MIOGGI 呢間都算係老牌，網上差評負皮好多，但多數都係論壇，所以有啲唔知係咪打手做佢地既feel，總之對新客黎講其實都幾令人卻步......如果想去MIOGGI試既人，一search「MIOGGI好唔好」可能就會打消左念頭......
我都係MIOGGI 既新客，但因為有個朋友係尖沙咀分店舊客，所以對佢地感覺都ok。
大家唔好以為舊客唔會被sell，其實都會不時就要upsales你，我朋友對佢地既服務都係ok啦，正正常常，唔算特別滿意亦都無咩大意見。因為我個朋友已經係好多年舊客，佢個顧問知道佢每年淨係會喺有生日優惠個個月買，一買會買一個療程6次可以做半年，所以平時都無咩特別sell佢(亦都可能覺得佢係細客，同埋唔係會亂買野既人啦）
佢成日都同我埋怨話MIOGGI做開既療程一年比一年更加貴，年年都話通漲所以加價，一加就幾舊一千，雖然每年都同我抱怨但都無離開，因為佢懶得搵新一間、懶得去試（真係人愈大愈懶）。
佢本身瘦底，係皮膚麻麻，所以每個月keep住做facial去keep住膠原，唔好老得咁快，而我就本身肥底、水腫底，唔係好肥但成日心思思覺得如果減多3、4Kg就好啦，當然都隨住年紀上升就愈黎愈難減......
其實唔止佢懶，我都好懶。
佢都覺得去MIOGGI試下減肥療程都ok，所以我就預約左MIOGGI但就銅鑼灣分店（因為比較近我）。
哇呢個就係小惡夢既開始！
我預約個個MIOGGI叫3D多元能量重點瘦身療程。
MIOGGI 官網就咁講：話用獨特六極射頻可以疏通經絡、加速血液循環、速效爆脂溶脂受纖形Balabala……
總之就係3D多元能量重點瘦身療程爆脂浴脂又保養身體咁啦！再加之我覺得射頻技術已經咁成熟，應該就唔會好貴！
點知個日一上到去......MIOGGI個顧問就直接問你好似係朋友介紹黎架喎？即係已經了解清楚我地公司？你係打算試做定係買架？
真係連個鋪陳都無，MIOGGI個顧問講到我好似上黎R免費療程咁，我都好愕然，我諗雖然我係朋友介紹，但都可以覺得MIOGGI唔好架嘛？都可以試完唔買架嘛？於是我都有啲衝咁答佢，「我未知住架喎，如果做得好又岩我我先買啦」。
MIOGGI個顧問聽完就立即收左皮，但塊面超黑。
果然好多網上負皮都係有根有據呀！
我覺得一開始無開個好頭，都唔知呢條友暗地裡點唱衰我......我都有啲不放心交個body比佢地做，點知佢地會唔會偷工減料？
但個陣都已經騎虎難下，於是我唯有硬住頭皮上，我打算快快手手試完就走！無幫襯！
MIOGGI顧問求其同我講左幾句，好大路野，問我想減幾多、最想改善係邊個位之類，基本真係傾左幾句同埋講解下3D多元能量重點瘦身療程部機有幾好，有咩好處可以點對應我既身體問題，就帶我去房，叫我等一陣先，治療師會黎！
就因為我凶左佢一句所以佢之後都長話短說......
MIOGGI治療師黎到之後就快手快腳開始做3D多元能量重點瘦身療程，但由頭到尾把口都無收過，不停講3D多元能量重點瘦身療程部機有幾好幾好，3D多元能量重點瘦身療程幾岩我做，個探頭每碌一陣都要我坐起身睇下左右Part既分別，真係好嘈好折騰，個探頭係又啜又有熱力既，好難講舒服定唔舒服......
我真係好想同佢講，我係黎試做MIOGGI個3D多元能量重點瘦身療程，唔係過黎做sit up，可唔可以唔好每做幾野就要我起身睇效果。
但因為我本人太怕麻煩，所以都只係點頭同嗯嗯嗯嗯嗯......
跟住3D多元能量重點瘦身療程重頭戲黎啦，就係吸我個肚腩，呢位姐姐好似將探頭當真空吸罐咁吸完又吸，仲吸起脂肪黎fung黎fung去，我真係唔係太清楚咁樣做除左扯痛我之外仲有咩功效，不過我都由佢。
與此同時，佢繼續起勢踩我話我下半身好多脂肪盛盛盛......又話我呢種係虛胖、水腫，用呢個3D多元能量重點瘦身療程可以排毒去濕......講到我而家吸緊罐咁（雖然感受上真係好似）但如果我淨係想去瘀去濕我真係會去吸罐OK？至少可以平呢個3D多元能量重點瘦身療程價錢既四分之一......
3D多元能量重點瘦身療程大概20、30分鐘度就做完，個治療師直到出門口前最後一秒都仲Sell緊，我都真係要佩服佢嘅專業精神，出到去行唔夠兩步就比顧問截住帶我入房，我真係好想直接喺走廊reject佢，但最後都係好薄面皮咁入左房......
哇，入到房就精彩，長達10分鐘hardsell，話術中心點就係問我點解唔買，係咁問我點解唔買，我話唔想用咁貴既價錢買射頻，佢就問咁我想買咩，仲問我想要大概幾錢先會買......貧窮羞辱我，真係好好笑，然後又話分期每個月只係供咁少錢無可能比唔起.....
首先我岩岩做完根本見唔到效果，其次就係呢啲減肥療程真係好普通度度都有啦，我就係唔鐘意喺度做得唔得？好明顯MIOGGI既療程價錢都比其他出面公司貴一截啦......
去到後面我發現我講咩都唔岩，點答佢都要駁，於是無論佢講咩我都答我返去考慮下，佢會狂問我仲有咩要考慮，來回三次我真係頂唔順，話考慮下我鐘唔鐘意你地囉(我笑笑口講)，跟手佢塊面黑到呢......於是我終於獲准可以離開啦真係多謝曬我個fd。
我一出門口立即打比個fd大鬧特鬧呢間MIOGGI勁hardsell，MIOGGI價錢又貴到離譜直頭當人係水魚咁劏！我個fd話佢都唔知喎，總之佢個間尖沙咀MIOGGI係ok架，或者銅鑼灣MIOGGI係咪多新人？而家係咪就係興咁樣sell？
anyway，無下次。
朋友個間唔ok，於是我唯有靠自己！我去左免費試Perfect Medical個S6！
MIOGGI講到佢地個療程幾耐幾耐，老實說返左去4、5日完全無料到，我覺得射頻去收緊膠原蛋白仲OK，用落身體係咪有啲弱？我最多就覺得佢可以加快下血液循環同去水腫，但之後真係一磅都無瘦到、完全無減到......
不如射頻都係用返落眼度啦。
之後我就去試左S6溶脂修形療程，係Perfect Medical（市面上有好多類似既公司有時我都搞唔太清楚邊間打邊間）。
官網預約左等人打黎confrim就ok！
呢個係免費療程，淨係帶個人上去就ok，我都係咁諗架其實所以我無帶銀包，淨係帶左八達通錶同幾張銀紙哈哈哈哈，諗住試完S6溶脂修形療程就直接返屋企架啦。
Perfect Medical 朗豪坊分店係好大好令，睇落去似五星級酒店大堂多啲，不過睇佢啲租金咁貴可能都要好多客先支撐得住......又有少少驚比人sell添，不過我上到去個日係六，所以好多客，差唔多坐滿曬個梳化，我本身以為都要等得耐，可能入面已經好混亂.....
但竟然又無喎。
我都係照去Perfect Medical櫃檯講完填完資料交俾比佢地，好快就有個顧問黎招呼我接我入房傾，所以我覺得佢地時間預得幾準，效率都幾高下。
咁入到去飲杯暖水，傾兩句，跟住淨伙解釋個S6溶脂修形療程原理，完全無sell，直接就將我交比另一個治療師，咁攤上床做之前都度左一度，咁試做通常都係大脾位同肚腩，度左呢兩個位之後就開始做......
唔同MIOGGI又揉又吸又瘋狂hardsell我無停過，Perfect Medical呢度就係好快手腳同好靜，唔會騷擾我，我攤上床之後佢就再解釋左次個療程原理同流程，之後就幫我清潔左個肚腩，將S6溶脂修形療程儀器機頭放左上去，話30分鐘之後會返黎，於是我就可以閉眼抖抖啦。
個探頭開始發熱，我聽佢地講係用左醫療級低能量生物激光，其實同射頻有啲似，都係用能量隔空直達某一層皮膚/脂肪層然後誘發熱力去溶脂咁......
做得愈長時間就愈feel到肚腩中央好熱，但個種熱係舒服既，就係咁我好快就訓著左，到治療師入黎拆機按摩肚腩既時候我都仲好意猶未盡......
Perfect Medical治療師快手快腳搞掂完療程收尾，然後叫我可以著返衫出去見顧問啦。
我個心都離左一離......我知道要比人hardsell啦！
不過出乎我意料之外，個顧問係走廊就已經截住左我，手上拎左好多塊板（應該係其他客人岩岩填完既資料）跟住循例都係問下我覺得S6溶脂修形療程點呀？舒唔舒服？O唔OK？會唔會考慮買，想唔想知道個Plan有咩優惠同幾錢？
我就邊傾邊行出大堂（中間仲簽左個名），咁我都答：我覺得好舒服個療程好OＫ，我仲瞓左陣添，而家仲feel到個肚腩熱熱地，希望之後有效果睇到啦。
佢話所有客都話個S6溶脂修形療程有用架，不過可能無咁快睇到效果，可以返去飲多點水再觀察一下，如果覺得ok就有balabalbala咩咩咩優惠可以揀，仲可以upgarde咩咩咩咩.....
傾傾下就已經出到大堂，佢話我就唔送你出lift口啦如果你想買既話就搵返我啦！然後又比俾佢個whatsapp我。
我真係估唔到自己可以咁快甩身，成個人都係懵既，直到入lift之後都仲懵緊......可能佢地Perfcet Medical今日真係好多人？我就當自己好幸運，因為我真係無諗過今日一試完就買！亦都有可能佢地Perfect Medical而家已經唔會好似以前咁hardsell呱？
真心，正正因為佢地係免費體驗之後又唔hardsell，令我真係非常有好感，好似賺左咁！
之後我都係返去買，不過我唔係買S6！
因為我鐘意佢地對客人個態度，所以我有返去Perfect Medical買療程。
但當然都唔係完全因為咁樣啦！我返去仔細觀察同度過身，過左三日之後我度到肚腩減瘦左1.2cm！我覺得已經都好滿意，而且因為Perfect Medical佢地無hardsell所以我就覺得都幾OK，可以去佢地個度買療程睇下最後成果可以減到邊。
上到去之後搵返之前同一個顧問，入房傾既時候顧問話已經幫我砌左個Plan，睇下我岩唔岩。咁當然，就無S6溶脂修形療程個Plan咁平啦，但亦都至少包多左兩部機（老老實實，你地其實係咪無得單賣S6溶脂修形療程呢部機架LOL)但個療程都係比街上其他公司平少少，價錢都合理既，所以我都覺得唔錯就簽左！
遲少少如果有更多減肥效果我再同大家講！
今次呢個寓言教訓大家咩呢？就係商家太hardsell或者真係會搞到人驚左LOL
